ವಿಫುಲ ಗಗನದ ತಳದಿ
ಇರುಳೊಡೆವ ಕಾಲದಲಿ
ನಸುಗೆಂಪು ಬೆಳಕಿನಲಿ
ಒಂಟಿ ಹಕ್ಕಿಯ ಪಯಣ
ಕತ್ತಲೆಯು ಪಸರುವುದೊ
ಬೆಳಕೆಲ್ಲಿ ಮರೆಯುವುದೊ
ಪಥವೆಲ್ಲಿ ಮಸುಕುವೊದೊ
ಎಂಬ ಭಯವುಂಟು
ಕಂದಗಳು ಕೊರಗುವವು
ಅಮ್ಮನಿರೆ ಮರುಗುವವು
ಗೂಡ ತಲುಪದೆ ಬಿಡೆನು
ಎಂಬ ಛಲವುಂಟು
ತನ್ನಮ್ಮ ಅನುದಿನದಿ
ತಿನ್ನಿಸಿದ ತಿನಿಸಿಂದ
ಕಸುವು ಹೊಂದಿದ ರೆಕ್ಕೆ
ಇನ್ನೆಂದಿಗುಂಟು
ವೇಗವನು ಇಮ್ಮಡಿಸಿ
ತಡೆಗಳನು ಕಡೆಗಣಿಸಿ
ಏಕ ನೋಟದಿ ಗುರಿಗೆ
ಸಾಗುತಿಹುದೀಗ
ತನ್ನ ಮುಂದಿನ ಯುಗಕೆ
ತಾನು ಕೊಟ್ಟೂಡುಗೊರೆಯು
ಕಾಯ್ದಿಟ್ಟು ಫಲಬರಲು
ಸಾರ್ಥಕ್ಯವುಂಟು
ತನಗೆ ಸಾರ್ಥಕ್ಯವುಂಟು
ಇರುಳೊಡೆವ ಕಾಲದಲಿ
ನಸುಗೆಂಪು ಬೆಳಕಿನಲಿ
ಒಂಟಿ ಹಕ್ಕಿಯ ಪಯಣ
ಕತ್ತಲೆಯು ಪಸರುವುದೊ
ಬೆಳಕೆಲ್ಲಿ ಮರೆಯುವುದೊ
ಪಥವೆಲ್ಲಿ ಮಸುಕುವೊದೊ
ಎಂಬ ಭಯವುಂಟು
ಕಂದಗಳು ಕೊರಗುವವು
ಅಮ್ಮನಿರೆ ಮರುಗುವವು
ಗೂಡ ತಲುಪದೆ ಬಿಡೆನು
ಎಂಬ ಛಲವುಂಟು
ತನ್ನಮ್ಮ ಅನುದಿನದಿ
ತಿನ್ನಿಸಿದ ತಿನಿಸಿಂದ
ಕಸುವು ಹೊಂದಿದ ರೆಕ್ಕೆ
ಇನ್ನೆಂದಿಗುಂಟು
ವೇಗವನು ಇಮ್ಮಡಿಸಿ
ತಡೆಗಳನು ಕಡೆಗಣಿಸಿ
ಏಕ ನೋಟದಿ ಗುರಿಗೆ
ಸಾಗುತಿಹುದೀಗ
ತನ್ನ ಮುಂದಿನ ಯುಗಕೆ
ತಾನು ಕೊಟ್ಟೂಡುಗೊರೆಯು
ಕಾಯ್ದಿಟ್ಟು ಫಲಬರಲು
ಸಾರ್ಥಕ್ಯವುಂಟು
ತನಗೆ ಸಾರ್ಥಕ್ಯವುಂಟು
No comments:
Post a Comment